மத்தியப் பிரதேசத்தில் யாத்ரீகர்கள் பேருந்து விபத்து – 7 பேர் பலி

மத்தியப் பிரதேசத்தின் ஜபல்பூர் மாவட்டத்தில் மகா கும்பமேளாவில் கலந்து கொண்டு திரும்பிய ஆந்திர யாத்ரீகர்கள் ஏழு பேர் மினி பேருந்து மோதிய விபத்தில் உயிரிழந்தனர், மேலும் இருவர் காயமடைந்தனர் என்று காவல்துறை அதிகாரி ஒருவர் தெரிவித்தார்.

மாவட்டத்தில் உள்ள சிஹோரா காவல் நிலைய எல்லைக்குட்பட்ட மொஹ்லா பார்கி கிராமத்தின் கால்வாய் பகுதிக்கு அருகிலுள்ள 4 வழி நெடுஞ்சாலையில் இந்த விபத்து நிகழ்ந்தது.

மினி பேருந்தில் பயணித்த பக்தர்கள் ஆந்திராவைச் சேர்ந்தவர்கள், பிரயாக்ராஜில் நடந்த மகா கும்பமேளாவில் கலந்து கொண்டு தங்கள் வீடுகளுக்குத் திரும்பிக் கொண்டிருந்தனர்.

ஜபல்பூரிலிருந்து கட்னிக்குச் சென்ற லாரி, ஓட்டுநர் கட்டுப்பாட்டை இழந்து எதிர் பாதையில் நகர்ந்து மினி பேருந்து மீது மோதியது.

சம்பவம் குறித்த தகவல் கிடைத்ததும், போலீசார் சம்பவ இடத்திற்கு வந்து, கிரேன் உதவியுடன் லாரியை அகற்றி, பின்னர் மினி பேருந்தில் இருந்த பயணிகளை மீட்டனர் என்று காவல்துறை மேலும் தெரிவித்துள்ளது.