ஐரோப்பா செல்லும் கனவில் துனிசியாவின் ஆலிவ் மரங்களுக்கு கீழ் அடைக்கலம் தேடும் மக்கள்!
ஐரோப்பா செல்லும் ஆவலுடன் பலர் தங்கள் உடமைகளை விற்று கடத்தல்காரர்களுக்கு பணம் கொடுந்து உயிருக்கு அஞ்சி அங்கு அடைக்கலம் தேட முயற்சிக்கின்றனர்.
இத்தாலிக்கு மக்களைக் கொண்டு செல்லும் இரும்புப் படகுகளில் ஒன்றில் ஏறுவதற்கான வாய்ப்பிற்காக அவர்கள் காத்திருக்கிறார்கள்.
போர், வறுமை, காலநிலை மாற்றம் அல்லது துன்புறுத்தல் ஆகியவற்றிலிருந்து தப்பி ஓடியதால், அவர்கள் துனிசியாவில் சிக்கிக் கொள்கிறார்கள். ஐரோப்பவை அடையும் அவர்களின் கனவும் கலைந்துபோகின்றது.
அதிகாரப்பூர்வமற்ற மதிப்பீடுகளின் அடிப்படையில், 15,000 முதல் 20,000 புலம்பெயர்ந்தோர் மத்திய துனிசிய கடற்கரைக்கு அருகிலுள்ள கிராமப்புற ஆலிவ் தோப்புகளில் சிக்கித் தவிப்பதாக கூறப்பட்டுள்ளது.
அவர்களின் இருப்பு, துனிசியாவிலும் ஐரோப்பா முழுவதிலும் குறிப்பாக இந்த வாரம் ஐரோப்பிய ஒன்றியத்தின் நாடாளுமன்றத் தேர்தல்களில் வெற்றிபெறும் என்று எதிர்பார்க்கப்படும் வலதுசாரி அரசியல்வாதிகளிடமிருந்து, குடியேற்ற எதிர்ப்புக் கொள்கைகளின் துணை விளைபொருளாகும்.
காவல் துறையினர் நகரங்களில் இருந்து புலம்பெயர்ந்தோரை வெளியேற்றியதாலும், மத்திய தரைக்கடல் கடவைத் தடுக்கும் முயற்சிகளை முடுக்கிவிட்டதாலும் கடந்த ஆண்டு முதல் முகாம்கள் அளவு அதிகரித்துள்ளன.
துனிசியாவின் இரண்டாவது பெரிய நகரமான ஸ்ஃபாக்ஸில் கடந்த கோடையில் பொலிசார் கூடாரங்களை இடித்தபோது, பல புலம்பெயர்ந்தோர் நகரின் வடக்கே கடற்கரைக்கு அருகில் உள்ள கிராமப்புறங்களுக்கு சென்றதாக தரவுகள் வெளியாகியுள்ளன.
ஆகவே ஆபத்தான இவ்வாறான பயணங்கள் குறித்து மக்கள் சிந்தித்து செயலாற்ற வேண்டும்.
(Visited 6 times, 1 visits today)
