அரபிக் கடலில் $1 பில்லியன் மதிப்புள்ள போதைப்பொருட்களை பறிமுதல் செய்த பாகிஸ்தான் கடற்படை

சவுதி தலைமையிலான ஒருங்கிணைந்த கடல்சார் படைகளின் (CMF) ஒரு பகுதியாக செயல்படும் பாகிஸ்தான் கடற்படை, அரேபிய கடல் வழியாக பயணித்த இரண்டு கப்பல்களில் இருந்து கிட்டத்தட்ட $1 பில்லியன் மதிப்புள்ள போதைப்பொருட்களை பறிமுதல் செய்துள்ளது.

கடந்த வாரம், பாகிஸ்தான் கடற்படை 48 மணி நேரத்தில் இரண்டு தனித்தனி நடவடிக்கைகளில் கப்பல்களில் இருந்து $972 மில்லியன் மதிப்புள்ள போதைப்பொருட்களை பறிமுதல் செய்ததாக ஒருங்கிணைந்த கடல்சார் படை ஒரு அறிக்கையில் தெரிவித்துள்ளது.

அக்டோபர் 18 அன்று நடந்த முதல் நடவடிக்கையில், $822,400,000 தெரு மதிப்புள்ள “படிக மெத்தம்பேட்டமைனை (ICE)” குழுவினர் கைப்பற்றியுள்ளனர்.

அதனை தொடர்ந்து, 48 மணி நேரத்திற்கும் குறைவான நேரத்தில் நடந்த இரண்டாவது நடவடிக்கையில் $140,000,000 மதிப்புள்ள 350 கிலோ ICE மற்றும் $10,000,000 மதிப்புள்ள 50 கிலோ கோகைனை (cocaine) பறிமுதல் செய்துள்ளனர்.

கப்பல்கள் எங்கிருந்து வந்தன என்பது குறித்து ஒருங்கிணைந்த கடல்சார் படை கூடுதல் தகவல்களை வழங்கவில்லை, ஆனால் அவை எந்த நாட்டையும் கொண்டிருக்கவில்லை என்று தெரிவித்துள்ளது.