2023 இல் இதுவரை 150,000 இலங்கையர்கள் நாட்டிலிருந்து வெளியேற்றம்

இந்த வருடத்தில் இதுவரை 150,000 இலங்கையர்கள் வெளிநாட்டு வேலைகளுக்காக வெளியேறியுள்ளதாக தெரிவிக்கப்பட்டுள்ளது.

இலங்கை வெளிநாட்டு வேலைவாய்ப்புப் பணியகத்தின் (SLBFE) பிரதிப் பொது முகாமையாளர் காமினி செனரத் யாப்பா கூறுகையில், இந்தக் குழுவில் பெரும்பாலானோர் மத்திய கிழக்கு நாடுகளுக்குச் சென்றுள்ளனர் என தெரிவித்த்துள்ளார்.

இந்த வருட இறுதிக்குள் 300,000 இலங்கையர்கள் வெளிநாட்டு வேலைகளுக்காக வெளியேறுவார்கள் என எதிர்பார்க்கப்படுவதாக காமினி செனரத் யாப்பா தெரிவித்துள்ளார்.

SLBFE இல் உள்ள புள்ளிவிபரங்கள் வெளிநாட்டு வேலைவாய்ப்புக்காக பயணிக்கும் பதிவுசெய்யப்பட்ட இலங்கையர்களை மட்டுமே கொண்டிருப்பதாக அவர் மேலும் தெரிவித்துள்ளார்.