ஹிருணிகாவை கைது செய்ய உத்தரவு

முன்னாள் நாடாளுமன்ற உறுப்பினர் ஹிருணிகா பிரேமச்சந்திர உள்ளிட்ட இருவரை கைது செய்து நீதிமன்றில் முற்படுத்துமாறு கோட்டை நீதவான் திலின கமகே உத்தரவிட்டுள்ளார்.

நீதிமன்ற உத்தரவை மீறி 2022 ஆம் ஆண்டு ஜூலை மாதம் 7 ஆம் திகதி ஆர்ப்பாட்டம் நடத்தியதாக முன்னாள் பாராளுமன்ற உறுப்பினர் ஹிருணிகா பிரேமச்சந்திர உள்ளிட்ட 12 சந்தேக நபர்களுக்கு எதிராக தாக்கல் செய்யப்பட்ட வழக்கு விசாரணைக்கு எடுத்துக் கொள்ளப்பட்ட போதே இந்த உத்தரவு பிறப்பிக்கப்பட்டுள்ளது.

இந்த வழக்கு திறந்த நீதிமன்றில் அழைக்கப்பட்ட போது, ​​நீதிமன்றில் ஆஜராகாத ஹிருணிகா பிரேமச்சந்திர, சுகவீனத்தால் பாதிக்கப்பட்டுள்ளதாக நீதிமன்றில் தெரிவித்திருந்தார்.

அப்போது, ​​சுகவீனம் தொடர்பான மருத்துவச் சான்றிதழை நீதவான் கேட்டதுடன், அதை ஆஜர்படுத்தாததால், சட்டம் அனைவருக்கும் ஒன்றுதான் என, நீதவான் அது தொடர்பான பிடியாணை பிறப்பித்துள்ளார்.

சம்பவம் தொடர்பில் பிணையில் விடுவிக்கப்பட்ட ஏனைய 10 சந்தேகநபர்களும் திறந்த நீதிமன்றில் முன்னிலையாகினர்.