ஒருநாள் தொடர் – இரண்டாவது போட்டியில் இந்திய அணி தோல்வி

இந்தியாவிற்கு சுற்றுப்பயணம் மேற்கொண்டுள்ள பிரபல நியூசிலாந்து அணி ஒருநாள் மற்றும் டி20 போட்டிகள் கொண்ட தொடரில் விளையாடி வருகிறது.

அந்தவகையில், ஒருநாள் தொடரின் இரண்டாவது போட்டி நிரஞ்சன் ஷா(Niranjan Shah) மைதானத்தில் நடைபெற்றது.

இந்த போட்டியில் நாணய சுழற்சியை வென்ற நியூசிலாந்து அணி பந்துவீச்சை தெரிவு செய்தது.

முதலில் களமிறங்கிய இந்திய அணி நிர்ணயிக்கப்பட்ட 50 ஓவர்கள் முடிவில் 7 விக்கெட் இழப்பிற்கு 284 ஓட்டங்களை பெற்றது.

இந்திய அணி சார்பில், சுப்மன் கில்(Shubman Gill) 56 ஓட்டங்களும் கே.எல்.ராகுல்(KL Rahul) 112 ஓட்டங்களும் பெற்றனர்.

இந்நிலையில், 285 ஓட்ட இலக்கை நோக்கி களமிறங்கிய நியூசிலாந்து அணி 47.3 ஓவர்களுக்கு 3 விக்கெட்களை இழந்து இலக்கை அடைந்தது.

நியூசிலாந்து அணி சார்பில், வில் யங்(Will Young) 87 ஓட்டங்களும் டேரில் மிச்சேல்(Daryl Mitchell) 131 ஓட்டங்களும் பெற்றனர்.

இறுதியில், நியூசிலாந்து அணி 7 விக்கெட்கள் வித்தியாசத்தில் வெற்றி பெற்று தொடரை 1-1 என்ற கணக்கில் சமநிலை படுத்தியுள்ளது.

மேலும், இரு அணிகளுக்கும் இடையிலான கடைசியும் மூன்றாவதுமான ஒருநாள் போட்டி இந்தூரில்(Indore) ஜனவரி 18ம் திகதி நடைபெறவுள்ளது.