தனது முதல் வான்வழி முன்னெச்சரிக்கை விமானத்தை முடிக்கும் தருவாயில் இருக்கும் வடகொரியா!

வட கொரியா தனது முதல் வான்வழி முன்னெச்சரிக்கை விமானத்தை முடிக்கும் தருவாயில் இருப்பதாகத் தெரிகிறது,

அந்நாட்டின் விமான படையின் சக்தியை அதிகரிக்கும்நோக்கில் இந்த நடவடிக்கை முன்னெடுக்கப்பட்டுள்ளதாக நிபுணர்கள் சுட்டிக்காட்டியுள்ளனர்.

வட கொரியாவின் அணுசக்தி மற்றும் ஏவுகணைத் திட்டங்கள் தென் கொரியா, அமெரிக்கா மற்றும் பிற நாடுகளுக்கு குறிப்பிடத்தக்க பாதுகாப்பு அச்சுறுத்தலை ஏற்படுத்துகின்றன.

ஆனால் அதன் வான்வழி கண்காணிப்பு திறன் அதன் போட்டியாளர்களை விட மிகவும் பின்தங்கியுள்ளது,

அதே நேரத்தில் அதன் பெரும்பாலான போர் விமானங்கள் மற்றும் பிற இராணுவ விமானங்கள் பழையதாகி வருகின்றன.

இந்நிலையில் அதனை மேம்படுத்தும் முயற்சியின் ஒரு பகுதியாக இந்த வான்வழி முன்னெச்சரிக்கை விமானம் உருவாக்கப்பட்டுள்ளது.