எரிவாயு இல்லை!!! பொரளை மயானத்தில் தகன நடவடிக்கைள் நிறுத்தம்
பொரளை மயானத்தில் தகனம் செய்வதற்கு எரிவாயு இல்லாததால் தகனம் செய்யாமல் இன்று (05) புதைக்கும் நடவடிக்கைகள் மட்டுமே மேற்கொள்ள வேண்டிய நிலை ஏற்பட்டுள்ளதாக சிங்கள ஊடகம் ஒன்று தெரிவித்துள்ளது.
இன்று காலை, இறந்தவர்களின் உடல்களை தகனம் செய்வதை நிறுத்திவிட்டு, தகனம் செய்யப்பட வேண்டிய உடல்களை ஜாவத்த மயானத்திற்கு அனுப்ப ஏற்பாடு செய்யப்பட்டது.
எரிவாயு விலையில் ஏற்பட்டுள்ள மாற்றத்தினால் ஏற்பட்டுள்ள நிர்வாக பிரச்சினை காரணமாகவே இந்த நிலை ஏற்பட்டுள்ளதாக உள்ளக தகவல்கள் தெரிவிக்கின்றன.
எவ்வாறாயினும், நாளை மாலைக்குள் எரிவாயு இருப்புக்கள் கிடைக்கும் என எதிர்பார்க்கப்படுவதாக சம்பந்தப்பட்ட அதிகாரிகள் தெரிவித்தனர்.
(Visited 8 times, 1 visits today)
