ஐரோப்பிய ஒன்றியம் அல்லாத குடிமக்களுக்கான புதிய நுழைவு மற்றும் வெளியேறும் திட்டம்

பிரிட்டிஷ் நாட்டவர்கள் உட்பட ஐரோப்பிய ஒன்றியம் அல்லாத அனைத்து குடிமக்களும், நீண்டகாலமாக தாமதமாகி வந்த புதிய பயோமெட்ரிக் நுழைவு சோதனை முறையை கடைபிடிக்க அறிவுறுத்தப்பட்டுள்ளனர்.

நுழைவு வெளியேறும் அமைப்பு (EES) என்பது ஒரு புதிய டிஜிட்டல் எல்லை அமைப்பாகும்.

ஐரோப்பிய ஒன்றியம் அல்லாத அனைத்து குடிமக்களும் முதலில் ஷெங்கன் பகுதிக்குள் நுழையும்போது கைரேகைகள் மற்றும் முகப் படங்கள் உட்பட அவர்களின் தனிப்பட்ட விவரங்களைப் பதிவு செய்ய வேண்டும். அடுத்தடுத்த பயணங்களில் முக அங்கீகாரம் மட்டுமே போதுமானது.

12 வயதுக்குட்பட்ட குழந்தைகளும் நுழைவு வெளியேறும் அமைப்பின் கீழ் பதிவு செய்ய வேண்டும், ஆனால் அவர்களின் புகைப்படம் மட்டுமே எடுக்கப்படும். சிறுவர்களுக்கு கட்டணம் வசூலிக்கப்படாது.

அயர்லாந்து, சைப்ரஸ் தவிர ஐஸ்லாந்து, நோர்வே, சுவிட்சர்லாந்து, லிச்சென்ஸ்டீன் மற்றும் அனைத்து ஐரோப்பிய ஒன்றிய நாடுகளும் பதிவு செய்ய வேண்டும்.

ஏப்ரல் 10, 2026க்குள் எல்லைக் கடக்கும் இடங்களில் இம்முறை படிப்படியாக அறிமுகப்படுத்தப்படும். இந்த காலத்தில், சில எல்லைகள் நுழைவு வெளியேறும் (EES) முறையை பயன்படுத்தலாம், மற்றவர்கள் பாஸ்போர்ட் முத்திரைகளுடன் பயணத்தை தொடரலாம்.

இந்த அமைப்பு ஷெங்கன் பகுதிக்கு குறுகிய காலத்தில் (90 நாட்கள் வரை) வருகை தரும் அனைத்து ஐரோப்பிய ஒன்றியம் அல்லாத நாட்டினரையும் பதிவு செய்யும்.

ஐரோப்பிய ஆணையத்தின் கூற்றுப்படி, இது விசா வைத்திருப்பவர்கள் மற்றும் விசா விலக்கு பெற்ற பயணிகள் இருவருக்கும் பொருந்தும்.

இந்த அமைப்பின் முதன்மை நோக்கம் ஆட்டோமேஷன் மற்றும் டிஜிட்டல் பதிவுகள் மூலம் எல்லை நிர்வாகத்தை நவீனமயமாக்குதல் ஆகும்.

மேலும், பயணிகளின் நீண்ட வரிசைகள், சட்டவிரோத இடம்பெயர்வு மற்றும் அடையாள மோசடி நடவடிக்கைகளை இதன் மூலம் கட்டுப்படுத்த முடியும்.