தேசிய இரத்தப் பரிமாற்ற சேவையின் அவசரவேண்டுகோள்: இலங்கை

இலங்கையில் ஏட்பட்டுள்ள சீரற்றகாலநிலையால்பாதிக்க பட்டவர்களுக்கு உடனடிமருத்துவ உதவிகளை வழங்க இரத்தம் பற்றாக்குறையாக உள்ளது.

தேசிய இரத்தப் பரிமாற்ற சேவையின் (National Blood Transfusion Service – NBTS) இயக்குநரான டாக்டர் லக்ஷ்மன் எதிரிசிங்க (Dr. Lakshman Edirisinghe) அறிவித்துள்ளார்.

அவர் இன்று (நவம்பர் 29, 2025) விடுத்த ஓர் அறிவிப்பில், நாட்டில் தற்போழுது இரத்த தானம் அத்தியாவசியமனா ஒன்றாக உள்ளது, இரத்த தானம் செய்ய முன்வருவோர் அனைவரும் தங்களுக்கு அருகிலுள்ள பிரதான இரத்த வங்கிகளுக்குச் செல்லுமாறு அவசரமாக வேண்டுகோள் விடுத்துள்ளார்.

தற்போது நிலவும் வெள்ளம் மற்றும் மண்சரிவு காரணமாக, நாடு முழுவதும் நடமாடும் இரத்த தான முகாம்களை (mobile blood donation camps) ஏற்பாடு செய்வதில் கடுமையான இடையூறு ஏற்பட்டுள்ளது.

இதனால், திட்டமிடப்பட்டிருந்த ஏராளமான முகாம்கள் இரத்து செய்யப்பட வேண்டிய நிலை ஏற்பட்டுள்ளது.

இதன் விளைவாக, நடமாடும் சேகரிப்புக்குப் பொறுப்பான மருத்துவக் குழுக்களால், ஒரு நாளைக்குத் தேவையான இரத்தத்தை சேகரிக்க முடியாமல் சிரமப்பட்டு வருகின்றனர்.

“தொடர்ச்சியான இரத்தப் பரிமாற்ற சேவையை மேற்கொள்வதற்கு , ஒருநாளைக்கு கிட்டத்தட்ட 1,500 யூனிட் இரத்தம் தேவைப்படுகிறது,” என்று டாக்டர் எதிரிசிங்க குறிப்பிட்டார்.

மேலும், “எங்கள் இரத்த சேமிப்பு வங்கிக்குகிடைக்கும் இரத்த விநியோகத்தில் 85%-க்கும் அதிகமானவை நடமாடும் இரத்த தான முகாம்கள் மூலமே கிடைக்கின்றன,” என்றும் அவர் தெரிவித்தார்.

இருப்பினும், நேற்றையதினம் 237 யூனிட் மட்டுமே சேகரிக்கப்பட்டுள்ளது.

இன்று தோராயமாக 400 யூனிட் மட்டுமே சேகரிக்கப்பட்டுள்ளது. இந்த அளவுகள் தேசிய இரத்த இருப்பைப் பராமரிக்கப் போதுமானதாக இல்லை என்று அவர் எச்சரித்துள்ளார்.

டாக்டர் எதிரிசிங்க, உதவ முன்வருவோர் தங்களுக்கு அருகிலுள்ள பிரதான இரத்த தான மையங்களுக்குச் செல்லுமாறு வலியுறுத்தினார்.

இரத்த தானம் செய்வோருக்கு தேவையான அனைத்து வசதிகளையும் வழங்குமாறு மருத்துவ அதிகாரிகளுக்கு அறிவுறுத்தப்பட்டுள்ளதாகவும் அவர் மேலும் கூறினார்.

கொழும்பிலுள்ள நாராஹென்பிட்டாவில் (Narahenpita) அமைந்துள்ள தேசிய இரத்த மையம் காலை 8.00 மணி முதல் மாலை 6.00 மணி வரை திறந்திருக்கும்.