தேசியப் பட்டியல் உறுப்பினராகிய நாமல் – ரணிலின் உத்தரவை மீறி ரவி கருணாநாயக்கவின் பெயர்

ஸ்ரீலங்கா பொதுஜன பெரமுனவின் தேசியப் பட்டியல் உறுப்பினராக நாமல் ராஜபக்சவின் பெயர் ஏற்றுக்கொள்ளப்பட்டதற்கான வர்த்தமானி அறிவிப்பு வெளியாகியுள்ளது.

அதுமட்டுமல்லாமல் இலங்கை தமிழரவு கட்சியின் தேசியப்பட்டியல் உறுப்பினர் பத்மநாதன் சத்தியலிங்கத்தின் பெயர் உரிய வர்த்தமானி மூலம் அறிவிக்கப்பட்டுள்ளது.

அத்துடன் இரண்டு தேசியப்பட்டியல் உறுப்பினர்கள் பதவிகள் தொடர்பிலும் நெருக்கடி ஏற்பட்டுள்ளது.

புதிய ஜனநாயக முன்னணியின் தேசியப் பட்டியல் உறுப்பினர் என்ற வகையில் ரவி கருணாநாயக்கவின் பெயர் உரிய வர்த்தமானி மூலம் வெளியிடப்பட்டுள்ளமையும் குறிப்பிடத்தக்கது.

கட்சியின் தேசியப் பட்டியல் உறுப்பினராக ரவி கருணாநாயக்கவின் பெயரை கட்சியின் பொதுச் செயலாளர் ஷமரீலா பெரேரா நேற்று தேர்தல்கள் ஆணைக்குழுவிற்கு அறிவித்திருந்தார்.

எவ்வாறாயினும், கட்சியின் அனுமதியின்றி இந்த அறிவித்தல் விடுக்கப்பட்டுள்ளதாக கட்சியின் தலைவர் ரணில் விக்ரமசிங்க தெரிவித்துள்ளார்.