அமெரிக்காவில் பூங்கா அருகே துப்பாக்கி சூடு நடத்திய மர்ம நபர்கள் ; மூவர் பலி!

அமெரிக்காவின் ஓகியோ மாகாண தலைநகர் கொலம்பசில் உள்ள வெயின்லேண்ட் பூங்கா அருகே திடீரென்று மர்ம நபர்கள் துப்பாக்கி சூடு நடத்தினர். இதனால் அப்பகுதி மக்கள் கடும் அதிர்ச்சி அடைந்தனர்

இதுகுறித்து தகவல் அறிந்ததும் பொலிஸார் சம்பவ இடத்துக்கு விரைந்து வந்தனர். அப்போது துப்பாக்கி சூட்டில் 3 பேர் பலியாகி இருப்பது தெரியவந்தது. மேலும் 3 பேர் காயம் அடைந்து இருந்தனர். அவர்களை மீட்டு வைத்தியசாலைக்கு அனுப்பி வைத்தனர்.

பலியானவர்கள் 27 வயதான மலாச்சி பீ(27) டான்ட்ரே புல்லக் (18)கார்சியா டிக்சன் ஜூனியர் (26) என்பது தெரியவந்தது. காயம் அடைந்தவர்களில் ஒருவரது நிலைமை கவலைக்கிடமாக உள்ளது. துப்பாக்கி சூடு நடத்தியவர்கள் யார் என்பது குறித்து பொலிஸார் தீவிர விசாரணை நடத்தி வருகிறார்கள்.

இதுகுறித்து பொலிஸார் கூறுகையில், சந்தேக நபர்கள் யாரும் உடனடியாக அடையாளம் காணப்படவில்லை. துப்பாக்கிச் சூடு நடத்தியதற்கான காரணமும் தெரியவில்லை. இதுதொடர்பாக விசாரணை நடந்து வருகிறது என்றனர்.