பிரான்ஸில் இளம் பெண்ணுக்கு அதிர்ச்சி கொடுத்த மர்ம நபர்கள்

பிரான்ஸில் இளம் பெண் ஒருவர் தாக்கப்பட்டு கொள்ளையடிக்கப்பட்டுள்ளார்.

தாக்குதலுக்கு இலக்கான 26 வயதுடைய பெண், நான்கு மாத கர்ப்பிணி என தெரியவந்துள்ளது. யூத பெண் எனும் ஒரு காரணத்துக்காக அவர் மீது தாக்குதல் நடத்தப்பட்டுள்ளது.

இச்சம்பவம் பரிஸ் 19 ஆம் வட்டாரத்தில் உள்ள அப்பெண்ணின் வீட்டில் கடந்த நவம்பர் 23 ஆம் திகதி இடம்பெற்றுள்ளது. தாக்குதலாளிகள் இவ்வாரத்தில் கைது செய்யப்பட்டுள்ளனர்.

காலை 11 மணி அளவில் அப்பெண்ணின் வீட்டின் கதவை அவர்கள் தட்டியுள்ளனர். கதவு திறக்கப்பட, எதிரே முகக்கவசம் அணிந்த இருவர் நின்றுள்ளனர். பின்னர் அவர்களில் ஒருவர் அப்பெண்ணின் கழுத்தை நெரிக்க, இரண்டாமவர் துப்பாக்கி ஒன்றை எடுத்து அவரை நோக்கி பிடித்துக்கொண்டு மிரட்டியுள்ளார்.

பின்னர் அப்பெண்ணின் முகத்திலும் தாக்கியுள்ளார். “அவர் ஒரு யூதர். அவர் பணக்காரராக இருப்பார்” என அவர்கள் கத்திக்கொண்டே வீட்டுக்குள் நுழைந்த அவர்கள் அவரிடம் இருந்த 6,000 யூரோக்கள் பெறுமதியான நகைகளையும், 400 யூரோக்கள் பணத்தினையும் கொள்ளையிட்டுக்கொண்டு அங்கிருந்து தப்பிச் சென்றனர்.

தொடர்புடைய செய்திகள்:

ஈரானில் இருந்து ஆயுதங்களை சுமந்து சென்ற கப்பல் : வெளிச்சத்திற்கு வந்த ஆதாரம்! ஒலியை விட 5 மடங்கு வேகத்தில் செல்லக்கூடிய ஏவுகணையை கையில் எடுத்துள்ள ரஷ்யா! குடிமக்களுக்கு இலவச சன்ஸ்கிரீன் வழங்கும் நெதர்லாந்து மேற்கு நாடுகள் உலகப் பொருளாதாரத்தை அழித்துவிட்டதாக: ரஷ்யா குற்றச்சாட்டு