மேற்கு நாடுகள் நெருப்பில் விளையாடுவதாக ரஷ்யா கடும் எச்சரிக்கை

ரஷ்யாவை தாக்குவதற்கு மேற்கத்திய ஏவுகணைகள் மற்றும் ஆயுதங்களை உக்ரைன் பயன்படுத்த அனுமதிப்பதன் மூலம் நெருப்பில் விளையாடுவதாக ரஷ்யாவின் வெளியுறவு அமைச்சகம் மேற்கு நாடுகளை எச்சரித்தது,

சமீபத்திய தாக்குதல்களின் பின்னணியில் அமெரிக்கா மற்றும் பிரிட்டனின் கை இருப்பதாகவும், ரஷ்யாவிற்கு எதிராக நீண்ட தூர ராக்கெட்டுகள் மற்றும் கனரக ஆயுதங்களைப் பயன்படுத்த உக்ரைனுக்கு அதிகாரம் அளித்ததன் மூலம் மோதலை தீவிரப்படுத்தியதற்காக வாஷிங்டனையும் லண்டனையும் குற்றம் சாட்டியதாக வெளியுறவு அமைச்சகம் ஒரு அறிக்கையில் தெரிவித்துள்ளது.

“மீண்டும் ஒருமுறை, வாஷிங்டன், லண்டன், பிரஸ்ஸல்ஸ் மற்றும் பிற மேற்கத்திய தலைநகரங்கள் மற்றும் அவர்களின் கட்டுப்பாட்டில் இருக்கும் கியேவ், அவர்கள் நெருப்புடன் விளையாடுகிறார்கள் என்று சந்தேகத்திற்கு இடமின்றி எச்சரிக்க விரும்புகிறோம். ரஷ்யா தனது எல்லையில் இதுபோன்ற அத்துமீறல்களுக்கு பதில் அளிக்காமல் விடாது” என்று அந்த அறிக்கையில் கூறப்பட்டுள்ளது.