அமெரிக்க பத்திரிகையாளரின் தடுப்புக்காவலை நீட்டித்த மாஸ்கோ நீதிமன்றம்

வோல் ஸ்ட்ரீட் ஜர்னல் நிருபர் இவான் கெர்ஷ்கோவிச்சின் விசாரணைக்கு முந்தைய தடுப்புக்காவலை மாஸ்கோவில் உள்ள நீதிமன்றம் நீட்டித்துள்ளது என்று ரஷ்ய செய்தி நிறுவனங்கள் தெரிவித்துள்ளன,

ரஷ்யாவின் தலைநகரில் உள்ள நீதிமன்றம் 31 வயதான அமெரிக்க பத்திரிகையாளரின் காவலை ஆகஸ்ட் 30 முதல் நவம்பர் 30 வரை நீட்டித்ததாக மாநில செய்தி நிறுவனம் தெரிவித்துள்ளது.

உளவு பார்த்த குற்றச்சாட்டின் பேரில் மார்ச் மாதம் கைது செய்யப்பட்ட கெர்ஷ்கோவிச், விசாரணையில் ஆஜராகியிருந்தார். அவர் ஒரு வெள்ளை சிறை வேனில் வந்து கைவிலங்குகளுடன், ஜீன்ஸ், ஸ்னீக்கர்கள் மற்றும் சட்டை அணிந்து வெளியே அழைத்துச் செல்லப்பட்டார்.

“ஒரு பத்திரிகையாளராக தனது வேலையைச் செய்ததற்காக அவர் தொடர்ந்து தன்னிச்சையாகவும் தவறாகவும் தடுத்து வைக்கப்பட்டிருப்பது எங்களுக்கு மிகுந்த ஏமாற்றத்தை அளிக்கிறது” என்று வால் ஸ்ட்ரீட் ஜேர்னல் நீதிமன்றத்தின் தீர்ப்புக்குப் பிறகு ஒரு அறிக்கையில் தெரிவித்துள்ளது.