இலங்கைக்கு ஆகஸ்ட் மாதத்தில் மாத்திரம் 99 ஆயிரத்திற்கும் மேற்பட்ட சுற்றுலா பயணிகள் வருகை!

ஆகஸ்ட் மாதத்தில் இதுவரை மொத்தம் 99,406 சுற்றுலாப் பயணிகள் நாட்டிற்கு வந்துள்ளதாக இலங்கை சுற்றுலா மேம்பாட்டு ஆணையத்தின் (SLTDA) தரவுகள் தெரிவிக்கின்றன.

SLTDA வெளியிட்டுள்ள தரவுகளின்படி, இந்தியாவில் இருந்து மொத்தம் 19,572 சுற்றுலாப் பயணிகள் வந்துள்ளனர், இது 19.7% ஆகும். மேலும், ஆகஸ்ட் மாதத்தில் இங்கிலாந்திலிருந்து 10,970 பேர், இத்தாலியிலிருந்து 7,641 பேர், பிரான்சிலிருந்து 6,870 பேர் மற்றும் 6,762 சீன நாட்டினர் இலங்கைக்கு வருகை தந்துள்ளனர்.

இதற்கிடையில், ஆகஸ்ட் மாதத்திற்கான சமீபத்திய புள்ளிவிவரங்கள் வெளியிடப்பட்டதன் மூலம், 2025 ஆம் ஆண்டில் இலங்கைக்கு வந்த சுற்றுலாப் பயணிகளின் எண்ணிக்கை 1,467,694 ஆக அதிகரித்துள்ளது.

அவர்களில், 268,694 பேர் இந்தியாவிலிருந்தும், 142,347 பேர் இங்கிலாந்திலிருந்தும், 117,322 பேர் ரஷ்யாவிலிருந்தும் வந்துள்ளனர் என்று SLTDA குறிப்பிட்டுள்ளது.