ஸ்பெயினில் ஏற்பட்ட திடீர் வெள்ளப் பெருக்கில் சிக்கி 70க்கும் மேற்பட்டோர் உயிரிழப்பு!

ஸ்பெயினில் கனமழையால் ஏற்பட்ட வெள்ளப் பெருக்கில் 72 பேர் உயிரிழந்துள்ளனர்.

ஸ்பெயினின் தென்கிழக்கு பகுதிகள் கனமழையால் பாதிக்கப்பட்டுள்ளன. வெள்ளத்தால் பாதிக்கப்பட்ட பகுதிகளில் ஏராளமானோரின் உடல்கள் கண்டெடுக்கப்பட்டு வருகின்றன. வாலன்சியா, அன்டலுசியா உள்ளிட்ட பகுதிகளில் குடியிருப்புகள் தண்ணீரில் மூழ்கின.

வாலன்சியாவில் ஒரு வருடத்திற்கு பெய்யும் மழை 8 மணி நேரத்திற்குள் பெய்துள்ளதாக அந்நாட்டு வானிலை ஆய்வாளர்கள் தெரிவித்துள்ளனர். வெள்ளத்தில் பல்வேறு சாலைகள் அடித்து செல்லப்பட்டதில் போக்குவரத்து முடங்கியுள்ளது. மழைநீர் அதிகமாக தேங்கியுள்ள இடங்களில், மக்கள் கார்களின் மேலே நடந்து சென்ற சம்பவங்களும் நடந்தது. பல இடங்களில் மரங்கள் முறிந்து விழுந்தது.

வீடுகளை விட்டு வெளியேற முடியாதவர்களை மீட்பு படையினர் மீட்டு வருகின்றனர். கிட்டத்தட்ட 1000க்கும் மேற்பட்ட மீட்புப் படையினர் மீட்புப் பணிகளில் ஈடுபட்டுள்ளனர். வெள்ளம் சூழ்ந்த பகுதியில் சிக்கிய குழந்தை ஹெலிகாப்டர் மூலம் மீட்கப்பட்ட காட்சிகளும் வெளியாகியுள்ளன. இதனிடையே 300 பயணிகளுடன் சென்ற அதிவிரைவு ரயில் தடம் புரண்டதால், ரயில் சேவையும் நிறுத்தப்பட்டது.

See also  உக்ரைன் போரின் பாதையை தீர்மானிக்கும் அமெரிக்க தேர்தல்!

தொடர்புடைய செய்திகள்:

பிரான்ஸில் அதிர்ச்சி – நெடுஞ்சாலையில் அகதிக்கு நேர்ந்த கதி சுவிஸ் நகரமொன்றில் கையில் கத்தியுடன் ஆடையின்றி நடமாடிய நபர்: கைது செய்த பொலிசார் இங்கிலாந்தில் கேத்லீன் புயல் காரணமாக பல விமானங்கள் ரத்து பெய்ஜிங் செல்லும் ரஷ்ய வெளியுறவு அமைச்சர் லாவ்ரோவ் இத்தாலியில் பதிவாகிய மர்ம ஒலி : தீப்பிழம்புடன் கடலில் விழுந்த பொருளால் அச்சத்தில் மக்கள்! இத்தாலி செல்ல விரும்பும் பாகிஸ்தானியர்களுக்கு அமுலாகும் அதிரடி சட்டம்