வர்ஜீனியாவில் வீட்டில் தயாரிக்கப்பட்ட 150க்கும் மேற்பட்ட வெடிகுண்டுகள் மீட்பு

வர்ஜீனியாவில் உள்ள ஒரு பண்ணையில் 150 க்கும் மேற்பட்ட வீட்டில் தயாரிக்கப்பட்ட வெடிகுண்டுகளை FBI கண்டுபிடித்துள்ளது.

36 வயதான பிராட் ஸ்பாஃபோர்ட் ஆயுதங்கள் மற்றும் வீட்டில் தயாரிக்கப்பட்ட வெடிமருந்துகளை பதுக்கி வைத்திருப்பதாக அண்டை வீட்டாரால் கிடைத்த தகவலின் பேரில் அவரது குடும்ப வீட்டை சோதனை செய்த போது முகவர்கள் வெடிபொருட்களை கண்டுபிடித்தனர்.

இயந்திரக் கடையில் பணிபுரியும் ஸ்பாஃபோர்ட், ஜனாதிபதி ஜோ பைடனின் படங்களை இலக்கு பயிற்சிக்காகப் பயன்படுத்தியதாகவும், அரசியல் படுகொலைகளுக்கு ஆதரவை வெளிப்படுத்தியதாகவும் தெரிவிக்கப்பட்டுள்ளது.

பைப் வெடிகுண்டுகள் என மதிப்பிடப்பட்ட சில வெடிபொருட்கள் பிராடின் படுக்கையறையில் ஒரு முதுகுப்பையில் கண்டுபிடிக்கப்பட்டன.

அவரது வீட்டில் கையெறி குண்டுகள் உள்ளிட்ட வெடிமருந்துகளை தயாரிப்பதற்கான குறிப்பேடும் இருந்தது.

சட்ட விரோதமாக துப்பாக்கி வைத்திருந்ததாக குற்றம் சாட்டப்பட்ட ஸ்பாஃபோர்ட், வெடிபொருட்கள் மீது கூடுதல் குற்றச்சாட்டுகளை எதிர்கொள்ள நேரிடும், அவை ஒவ்வொன்றும் அதிகபட்சமாக பத்து ஆண்டுகள் சிறைத்தண்டனை விதிக்கப்படும் என்று வழக்கறிஞர்கள் தெரிவித்தனர்.