மாயமான MH370 விமானம் : 11 ஆண்டுகளுக்கு பிறகு ஆரம்பமாகும் தேடல் நடவடிக்கை!

காணாமல் போன MH370 விமானத்திற்கான புதிய தேடல் விமானம் காணாமல் போய் 11 ஆண்டுகளுக்குப் பிறகு தொடங்கப்பட்டுள்ளது.

ஆனால் நிபுணர்கள் சிறிய தவறு கூட ‘பேரழிவை’ ஏற்படுத்தும் என்று எச்சரித்துள்ளனர்.

MH370 விமானம் மார்ச் 8, 2014 அன்று கோலாலம்பூரிலிருந்து பெய்ஜிங்கிற்கு 227 பயணிகள் மற்றும் 12 பணியாளர்களுடன் புறப்பட்டது. உள்ளூர் நேரப்படி அதிகாலை 12.41 மணிக்கு விமானம் புறப்பட்டு, அதிகாலை 1.01 மணிக்கு 35,000 அடி உயரத்தை அடைந்தது.

விமானப் போக்குவரத்துக் கட்டுப்பாட்டுடன் தொடர்பு கொண்ட விமானத்தின் டிரான்ஸ்பாண்டர், அதிகாலை 1.21 மணிக்கு தென் சீனக் கடல் வழியாக வியட்நாமிய வான்வெளியில் நுழைந்த நிலையில் துண்டிக்கப்பட்டது. அத்துடன் விமானம் மாயமாகியிருந்தமையும் குறிப்பிடத்தக்கது.

இந்நிலையில் மலேசியாவின் போக்குவரத்து அமைச்சர் கடந்த செவ்வாய்க்கிழமை பிரித்தானிய நிறுவனம் ஒன்று விமானத்தை தேடும் நடவடிக்கையில் இறங்கியுள்ளதாக உறுதிப்படுத்தினார்.

இந்த முறை, தேடல் கடல் தளத்தின் விரிவான படத்தை வரைபடமாக்க மிகவும் மேம்பட்ட தொழில்நுட்பத்தைப் பயன்படுத்த திட்டமிட்டுள்ளதாகவும் தெரிவித்துள்ளார்.