இலங்கையில் குடும்பத்தினருக்காக நாடாளுமன்ற உறுப்பினர்கள் விடுக்கும் கோரிக்கை

தமது குடும்ப உறுப்பினர்களுக்கு காப்புறுதி தொகையை வழங்குமாறு பல நாடாளுமன்ற உறுப்பினர்கள் நாடாளுமன்ற பிரதானிகளிடம் கோரிக்கை விடுத்துள்ளதாகத் தெரிவிக்கப்படுகிறது.

தற்போது வரை உறுப்பினர்கள் மட்டுமே காப்பீட்டுத் தொகையைப் பெற்று வருவதோடு, ஒவ்வொரு நாடாளுமன்ற உறுப்பினருக்கும் ஆண்டுக் காப்பீட்டுத் தொகையின் மதிப்பு பத்து லட்சம் ரூபாயாகும்.

அவர்களது சம்பளத்தில் இருந்து சில தொகையை பிடித்தம் செய்து குடும்ப உறுப்பினர்களுக்கு காப்பீடு தொகையை வழங்குமாறு கோரிக்கை விடுத்துள்ளதாக தெரிவிக்கப்படுகின்றது.

எதிர்வரும் வாரங்களில் நாடாளுமன்றத்தின் சபைக் குழுக் கூட்டம் நடைபெறவுள்ளதுடன், இந்த விடயம் தொடர்பில் அங்கும் கலந்துரையாடவுள்ளதாக பல உறுப்பினர்கள் தெரிவித்துள்ளனர்.

பல மாதங்களாக நாடாளுமன்றக் குழுக் கூட்டம் நடத்தப்படவில்லை என்றும் அந்த அறிக்கையில் கூறப்பட்டுள்ளது.