கொல்கத்தா மருத்துவமனையில் பாரிய தீ விபத்து – நோயாளி ஒருவர் மரணம்
மத்திய கொல்கத்தாவில் உள்ள அரசு மருத்துவமனையில் பயங்கர தீ விபத்து ஒன்று ஏற்பட்டுள்ளது.
இதன் போது மருத்துவமனையின் தீவிர சிகிச்சைப் பிரிவில் ஒரு நோயாளி உயிரிழந்துள்ளார், மேலும் 80 பேர் பாதுகாப்பாக வெளியேற்றப்பட்டனர் என்று தீயணைப்பு அதிகாரி ஒருவர் தெரிவித்தார்.
நோயாளியின் மரணத்திற்கான சரியான காரணம் இன்னும் அறியப்படவில்லை மற்றும் வேறு எந்த காயமும் இல்லை.
வார்டு ஒன்றில் தீ பரவியதாகவும், அது மருத்துவமனையின் மற்ற பகுதிகளுக்கும் பரவும் முன் கட்டுக்குள் கொண்டுவரப்பட்டதாகவும் கூறப்படுகிறது. தீ விபத்துக்கான காரணம் இதுவரை தெரியவில்லை.
நோயாளிகள் சிகிச்சைக்காக வேறு மருத்துவமனைகளுக்கு மாற்றப்பட்டனர்.
“கிட்டத்தட்ட 80 நோயாளிகள் உள்ளே சிக்கிக்கொண்டனர். அனைவரையும் வெற்றிகரமாக மீட்டோம். தீவிர சிகிச்சைப் பிரிவில் அனுமதிக்கப்பட்ட ஒரு நோயாளி இறந்தார், ஆனால் வேறு எந்த உயிரிழப்பும் இல்லை, ”என்று மாவட்ட தீயணைப்பு அதிகாரி டி.கே.தத்தா குறிப்பிட்டார்.
(Visited 51 times, 1 visits today)
