அமெரிக்காவில் வெடிபொருள் தொழிற்சாலையில் பாரிய குண்டுவெடிப்பு

அமெரிக்காவின் டென்னசியில் (Tennessee) இராணுவ வெடிமருந்து ஆலையில் ஏற்பட்ட வெடிப்பில் 19 பேர் காணாமல் போயுள்ளதாக அதிகாரிகள் தெரிவித்துள்ளனர்.

வெடிப்புக்கு என்ன காரணம் என்பது இன்னும் தெளிவாகத் தெரியவில்லை என்று அதிகாரிகள் தெரிவித்துள்ளனர்.

எத்தனை பேர் கொல்லப்பட்டனர் என்பது தெரியவில்லை ஆனால் காணாமல் போன 19 பேரும் உயிரிழந்திருக்கலாம் என அஞ்சப்படுகிறது என்று ஹம்ப்ரிஸ் காவல்துறை அதிகாரி கிறிஸ் டேவிஸ் குறிப்பிட்டுளளார்.

மேலும், தான் இதுவரை பார்த்ததிலேயே மிகவும் பேரழிவு தரும் காட்சிகளில் இதுவும் ஒன்று என்று தெரிவித்துள்ளார்.

இந்த ஆலை நாஷ்வில்லுக்கு மேற்கே சுமார் 60 மைல் தொலைவில், ஹிக்மேன் மற்றும் ஹம்ப்ரிஸ் மாவட்டங்களின் எல்லைக்கு அருகில் உள்ள ஒரு கிராமப்புற காட்டுப் பகுதியில் அமைந்துள்ளது.