மாஸ்கோ தாக்குதலுக்கு பல நாடுகள் கண்டனம்

ரஷ்யாவின் மாஸ்கோவில் உள்ள திரையரங்கை குறிவைத்து தீவிரவாதிகள் நடத்திய தாக்குதலுக்கு பல நாடுகள் கண்டனம் தெரிவித்துள்ளன.

அதன்படி, தாக்குதல் சம்பவம் குறித்து தகவல் வெளியானவுடன் தாம் அதிர்ச்சியடைந்ததாக இந்திய பிரதமர் நரேந்திர மோடி தெரிவித்துள்ளார்.

இந்தியப் பிரதமரும் இந்தத் தாக்குதலுக்குக் கண்டனம் தெரிவித்ததுடன், இது இழிவான செயல் என்று கூறினார்.

இந்த இக்கட்டான நேரத்தில் ரஷ்ய அரசுக்கும் அந்நாட்டு மக்களுக்கும் ஆதரவு அளிப்பதாகவும் இந்தியப் பிரதமர் அறிவித்தார்.

இதனிடையே, இந்த தாக்குதலுக்கு அமெரிக்காவும் கண்டனம் தெரிவித்துள்ளது.

இது ஒரு கொடிய குற்றம் என்று அமெரிக்கா கூறியது. பயங்கர தாக்குதலில் உயிரிழந்தவர்களுக்கு வருத்தம் தெரிவிப்பதாகவும் அமெரிக்கா தெரிவித்துள்ளது.

ஐஎஸ் பயங்கரவாதிகள் உலகில் எங்கும் தோற்கடிக்கப்பட வேண்டிய குழு என்று அமெரிக்கா கூறியுள்ளது.

இது தவிர ஜப்பான், துருக்கி, ஐக்கிய அரபு அமீரகம், ஜெர்மனி உள்ளிட்ட பல நாடுகள் ரஷ்யாவுக்கு இரங்கல் தெரிவித்துள்ளன.