பிரான்சில் மனைவியை போதையாக்கி 51 ஆண்களால் பாலியல் துஷ்பிரயோகத்திற்கு உள்ளாக்கிய நபர்

பிரான்சில் ஒரு நபர் தனது மனைவிக்கு தினமும் இரவில் போதைப்பொருள் கொடுத்துவிட்டு, பின்னர் அவளை பாலியல் பலாத்காரம் செய்ய ஆண்களை அழைத்ததாக குற்றம் சாட்டப்பட்டுள்ளது.

10 ஆண்டுகளாக தொடர்ந்த இந்த சம்பவத்தால் புலனாய்வாளர்கள் 92 கற்பழிப்பு வழக்குகளை அடையாளம் கண்டுள்ளனர்.

26 மற்றும் 73 வயதுக்கு இடைப்பட்டவர்களே கைது செய்யப்பட்டு கற்பழிப்பு குற்றச்சாட்டுக்கு ஆளாகியுள்ளனர்,

இவர்களில் தீயணைப்பு வீரர், லாரி டிரைவர், நகராட்சி கவுன்சிலர், வங்கியில் தகவல் தொழில்நுட்ப பணியாளர், சிறைக்காவலர், செவிலியர் மற்றும் பத்திரிகையாளர் ஆகியோர் அடங்குவர்.

டொமினிக் பி என அடையாளம் காணப்பட்ட பிரெஞ்சு நபர், தனது மனைவியின் உணவில் லோராசெபம் என்ற மனக்கவலைக்கு எதிரான மருந்தைக் கலந்த பிறகு துஷ்ப்ரயோகம் நடத்தியதாகக் கூறப்படுகிறது.

பின்னர் அவர் மற்றவர்களை பிரான்சின் மசானில் உள்ள அவர்களது வீட்டிற்கு அழைத்து தூங்கும் பெண்ணின் மீது பாலியல் செயல்களைச் செய்ய கட்டளையிட்டுள்ளார்.மேலும் இத்தகைய சம்பவங்களை அவர் காணொளி எடுத்துள்ளார் என்பது குறிப்பிடத்தக்கது.

2011 மற்றும் 2020 க்கு இடையில் பாலியல் பலாத்காரம் நடந்ததாகவும், பெரும்பாலான ஆண்கள் பல முறை திரும்பியதாகவும் போலீசார் தெரிவித்தனர்.

டொமினிக் ஃபிராங்கோயிஸுடன் திருமணமாகி 50 ஆண்டுகளுக்கும் மேலாகிறது, மேலும் இந்த ஜோடிக்கு மூன்று குழந்தைகள் இருப்பதாக காவல்துறை தெரிவித்துள்ளது.