புனேவில் 2 சகோதரிகளை பலாத்காரம் செய்து கொலை செய்த நபர் கைது

புனேவில் 8 மற்றும் 9 வயதுடைய இரண்டு சகோதரிகளை பாலியல் வன்கொடுமை செய்து கொன்றதாக 54 வயது நபர் கைது செய்யப்பட்டுள்ளார்.

குற்றம் சாட்டப்பட்ட அஜய் தாஸ், மேற்கு வங்கத்தைச் சேர்ந்தவர் மற்றும் ராஜ்குருநகர் காவல் நிலைய எல்லைக்குட்பட்ட ஒரு சிறிய உணவகத்தில் சமையல்காரராக பணிபுரிந்துவந்துள்ளார்.

“பாதிக்கப்பட்டவர்களின் குடும்பத்தின் பக்கத்து வீட்டுக்காரர் தாஸ். இரண்டு மைனர் சகோதரிகள் காணாமல் போனதாக எங்களுக்கு புகார் வந்தது. பின்னர், அவர்களது வீட்டிற்கு அருகே தண்ணீர் சேமிக்கப் பயன்படுத்தப்படும் டிரம்மில் அவர்களது உடல்கள் கண்டெடுக்கப்பட்டன,” ஒரு மூத்த அதிகாரி குறிப்பிட்டார்.

தாஸ் முதலில் இளைய குழந்தையை பாலியல் பலாத்காரம் செய்ததாக போலீசார் தெரிவித்தனர். மூத்த சகோதரி அவளைத் தேடிச் சென்றபோது, ​​அவளையும் பலாத்காரம் செய்துள்ளார். பின்னர் தாஸ் இரண்டு சகோதரிகளையும் கொலை செய்துள்ளார் என்று அதிகாரி தெரிவித்தார்.

“தாஸ் ரயில் மூலம் தப்பிச் செல்லத் திட்டமிட்டிருப்பதாக எங்களுக்குத் தகவல் கிடைத்தது. எங்கள் குழு புனே நகருக்கு அருகிலுள்ள ஒரு ஹோட்டலில் இருந்து அவரைப் பிடித்தனர். அவர் இரண்டு மைனர் சிறுமிகளைக் கற்பழித்து கொலை செய்ததற்காக அவர் மீது வழக்குப் பதிவு செய்யப்பட்டுள்ளது” என்று அந்த அதிகாரி மேலும் தெரிவித்தார்.

இதற்கிடையில், தாஸ் மீது கடுமையான நடவடிக்கை எடுக்கக் கோரி சுற்றியுள்ள கிராமங்களைச் சேர்ந்த குழந்தைகளின் குடும்பத்தினர் மற்றும் உள்ளூர்வாசிகள் ராஜகுருநகர் காவல் நிலையம் முன்பு ஆர்ப்பாட்டத்தில் ஈடுபட்டனர்.