பொதுஜன பெரமுனவின் உறுப்பினரையே தேர்தல் வேட்பாளராக அறிவிப்போம் – சாகர!

ஸ்ரீ லங்கா பொதுஜன பெரமுனவின் உறுப்பினரையே ஜனாதிபதி வேட்பாளராக அறிவிப்போம் என பொதுஜன பெரமுனவின் பொதுச்செயலாளர் சாகர காரியவசம் தெரிவித்தார்.

கொழும்பில் இன்று  (8.07 ) இடம்பெற்ற ஊடகவியலாளர் சந்திப்பின்போது அவர் மேற்கண்டவாறு கூறினார்.

இதன்போது தொடர்ந்து தெரிவித்த அவர், “ பொருளாதார பாதிப்புக்கு தீர்வு காண்பதற்காகவே ஐக்கிய தேசிய கட்சியின் தலைவர் ரணில் விக்கிரமசிங்கவை ஜனாதிபதியாக தெரிவு செய்தோம்.

அரசாங்கத்தை ஸ்தாபிப்பதற்கு கட்சி என்ற ரீதியில் முழுமையான ஒத்துழைப்பு வழங்கினோம். ஜனாதிபதிக்கு ஆதரவு வழங்குவதால் எமது கட்சியின் அடிப்படை கொள்கைகளை விட்டுக்கொடுக்க முடியாது.

கட்சி என்ற ரீதியில் முன்னேற்றமடையும் நடவடிக்கைகளை தற்போது மேற்கொண்டுள்ளோம். நாடளாவிய ரீதியில் மக்கள் கூட்டத்தை நடத்தி வருகிறோம். மக்கள் ஆதரவுடன் மீண்டும் வலுப்பெறுவோம்.

பொதுஜன பெரமுனவின் உறுப்பினர் ஒருவரையே ஜனாதிபதி வேட்பாளராக அறிவிப்போம்”  எனத் தெரிவித்துள்ளார்.

தொடர்புடைய செய்திகள்:

இலங்கை கொடூரமான பாதுகாப்பு சட்டங்களை கைவிடவேண்டும் – வொல்க்கெர் டேர்க் வலியுறுத்தல்! உயர் தர பரீட்சை முடிவுகளுக்காக காத்திருக்கும் மாணவர்களின் பரிதாப நிலை இலங்கையில் வாகனங்களில் விலை குறையாது!! வெளியாகியுள்ள அறிவிப்பு இலங்கை சாரதி அனுமதிப்பத்திரத்தை வெளிநாடொன்றில் பயன்படுத்த முடியும்! அது எந்த நாடு தெரியுமா?