அனைத்து சமூகங்களுக்கும் சமமான சட்டத்துடன் கூடிய நாட்டைக் கட்டியெழுப்புவோம் : ஜனாதிபதி அனுர
திருகோணமலையில் நடைபெற்ற தேர்தல் பிரசாரக் கூட்டத்தில் உரையாற்றிய ஜனாதிபதி அனுரகுமார திஸாநாயக்க, பிரிவினை யுகத்தை முடிவுக்குக் கொண்டு வந்து சமாதானத்தை நிலைநாட்டும் அரசாங்கத்தை அமைக்கும் சிறப்புப் பொறுப்பு திருகோணமலை மாவட்ட மக்களுக்கு உள்ளது என தெரிவித்துள்ளார்.
“சிங்கள, தமிழ், முஸ்லிம் அனைவருக்கும் சமமான சட்டத்துடன் கூடிய ஒரு நாட்டைக் கட்டியெழுப்புவோம். இவ்வாறான நகர்வுகளுக்கு இடையூறான சட்டங்களை மாற்றியமைத்து, “நான் இலங்கையன்” என்று அனைவரும் பெருமையுடன் கூறக்கூடிய நாட்டைக் கட்டியெழுப்புவோம்,” என்று வலியுறுத்தியுள்ளார்.
ஜனாதிபதித் தேர்தல் வெற்றியின் பின்னர் தேசிய மக்கள் சக்தி (NPP) மீது வடக்கில் உள்ள மக்கள் பாரிய விழிப்புணர்வைக் கொண்டுள்ளனர் என தெரிவித்தார்.
அனைத்து சிங்கள, தமிழ் மற்றும் முஸ்லிம் சமூகங்களின் ஆசிர்வாதத்துடனும் நம்பிக்கையுடனும் NPP யினால் மாத்திரமே அரசாங்கத்தை அமைக்க முடியும் என ஜனாதிபதி குறிப்பிட்டுள்ளார்.
சிங்கள, தமிழ், முஸ்லிம் அனைவருக்கும் சமமான சட்டத்துடன் கூடிய நாட்டைக் கட்டியெழுப்ப அரசாங்கம் அர்ப்பணிப்புடன் செயற்படுவதாக ஜனாதிபதி அனுரகுமார திஸாநாயக்க தெரிவித்துள்ளார்.
(Visited 7 times, 1 visits today)
