ஆடு களத்துக்கு விடை கொடுக்கிறது பெண் சிங்கம்!

சர்வதேச கிரிக்கெட் போட்டியில் இருந்து ஓய்வுபெறுவதாக அறிவித்துள்ளார் முன்னணி வீராங்கனையான அலிசா ஹீலி Alyssa Jean Healy.

ஆஸ்திரேலிய மகளிர் கிரிக்கெட் அணியின் தலைவர் அலிசா ஹீலி.

விக்கெட் காப்பாளரான இவர், அதிரடி தொடக்க ஆட்டக்காரராகவும் திகழ்கின்றார்.

மெக் லானிங்கின் ஓய்வுக்குப் பிறகு, ஆஸ்திரேலிய மகிளிர் அணியின் தலைமைப் பொறுப்பேற்று அணியை வழிநடத்தி வருகிறார்.

இந்நிலையில் சர்வதேச கிரிக்கெட்டில் இருந்து ஓய்வு பெறுவதாக அலிசா ஹீலி அறிவித்துள்ளார்.

அடுத்த மாதம் இந்தியாவில் நடைபெறும் டி20 மற்றும் ஒருநாள் தொடரில் ஆஸ்திரேலியா அணி விளையாட உள்ளது.

அந்த தொடருக்குப் பிறகு இவர் ஓய்வு பெறவுள்ளார்.
35 வயதாகும் அலிசா மார்ச் 6 முதல் 9 வரை பெர்த்தில் நடைபெறும் டெஸ்ட் போட்டி அவரது கடைசி சர்வதேச ஆட்டமாக இருக்கும்.

தனது 15 ஆண்டுகால கிரிக்கெட் வாழ்க்கையில் ஒருநாள், டெஸ்ட் மற்றும் டி 20 போட்டிகளில் 7 ஆயிரத்துக்கு மேற்பட்ட ஓட்டங்களைப் பெற்றுள்ளார்.

மேலும், 8 உலகக் கோப்பை பட்டங்களை வென்ற அணியின் ஒரு பகுதியாக இருந்துள்ளார்.

இவர் 2022 ஒருநாள் உலகக் கோப்பை இறுதிப் போட்டியில் 170 ஓட்டங்களைப் பெற்று சாதனை படைத்தார் என்பது குறிப்பிடத்தக்கது.