இலங்கையின் வானிலையில் பிற்பகுதியில் ஏற்படவுள்ள மாற்றம்!

இலங்கையின் பல பகுதிகளில் இன்று (20.10) பிற்பகல் 2.00 மணிக்குப் பின்னர் மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் எதிர்வுக்கூறியுள்ளது.

வளிமண்டலவியல் திணைக்களம் வெளியிட்டுள்ள சமீபத்திய அறிவிப்பில், ஊவா, மத்திய மற்றும் கிழக்கு மாகாணங்களில் சில இடங்களில்  சுமார் 75 மி.மீ கனமழை பெய்ய வாய்ப்புள்ளது.

அதேபோல் மேற்கு மற்றும் தென் மாகாணங்களில் காலை வேளையிலும் மழை பெய்யும்.

இடியுடன் கூடிய மழை  தற்காலிக பலத்த காற்று மற்றும் மின்னலினால் ஏற்படக்கூடிய ஆபத்துக்களை குறைப்பதற்கு தேவையான நடவடிக்கைகளை எடுக்குமாறும் மக்கள் கேட்டுக்கொள்ளப்படுகிறார்கள்.