களனி பல்கலைக்கழக மாணவன் மரணம் – விசாரணையில் வெளிவந்த தகவல்

களனி பல்கலைக்கழகத்தின் மாணவர் விடுதியின் நான்காம் மாடியிலிருந்து வீழ்ந்து உயிரிழந்த மாணவனின் மரணம் தொடர்பில் பல தகவல்கள் வெளியாகியுள்ளது.

குறித்த மாணவனின் பிரேதப் பரிசோதனை இன்று இராகமை போதனா வைத்தியசாலையில் இடம்பெறவுள்ளது.

குறித்த மாணவன் உயிரிழந்த இடத்தை சட்ட வைத்திய அதிகாரிகள் ஆய்வு செய்துள்ளனர் இந்த சம்பவம் தொடர்பில் 21 பேரிடம் வாக்குமூலம் பதிவு செய்யப்பட்டுள்ளதாகத் தெரிவிக்கப்பட்டுள்ளது.

இந்தநிலையில், உயிரிழந்த மாணவன் தமது பல்கலைக்கழக நண்பர்களுடன் மது அருந்தியமை ஆரம்பக் கட்ட விசாரணைகளில் தெரியவந்துள்ளது.

அவர்களிடம் மேற்கொள்ளப்பட்ட விசாரணைகளின் படி, குறித்த மாணவன் மதுபோதையிலிருந்த போது விடுதியின் 4ஆவது மாடியில் உள்ள யன்னலின் ஊடாக தவறி வீழ்ந்து உயிரிழந்திருக்கலாம் என பொலிஸார் சந்தேகம் வெளியிட்டுள்ளனர்.

ரிதிமாலியத்த பகுதியைச் சேர்ந்த 24 வயதுடையவரே இவ்வாறு உயிரிழந்ததாக பொலிஸார் தெரிவித்துள்ளனர்.