இஸ்ரேலின் தேசிய பாதுகாப்பு அமைச்சர் பென் க்விர் பதவி விலகல்

தேசிய பாதுகாப்பு அமைச்சரும் தீவிர வலதுசாரி யூத அதிகாரக் கட்சியின் தலைவருமான இடாமர் பென் க்விர், ஆளும் கூட்டணியில் இருந்து அதிகாரப்பூர்வமாக வெளியேறியதாகவும், கட்சியைச் சேர்ந்த அவரது ஆறு பிரதிநிதிகள் போர்நிறுத்த ஒப்பந்தம் அங்கீகரிக்கப்பட்டதைத் தொடர்ந்து ராஜினாமா கடிதங்களை சமர்ப்பித்துள்ளதாகவும் அறிவித்தார்.

பென் க்விருடன் சேர்ந்து, பாரம்பரிய அமைச்சர் அமிச்சாய் எலியாஹு மற்றும் நெகேவ், கலிலி மற்றும் தேசிய மீள்தன்மை அமைச்சர் யிட்சாக் வாஸர்லாஃப் ஆகியோர் பிரதமர் பெஞ்சமின் நெதன்யாகுவிடம் தங்கள் ராஜினாமா கடிதங்களை சமர்ப்பித்துள்ளனர்.

மேலும் “இனிமேல், யூத சக்தி கட்சி கூட்டணியில் உறுப்பினராக இல்லை, “என்று கட்சி ஒரு அறிக்கையில் தெரிவித்துள்ளது.

அவர்களுடன், நாடாளுமன்ற உறுப்பினர்களான ஸ்விகா ஃபோகல், லிமோர் சன் ஹார்-மெலெக் மற்றும் யிட்சாக் குரோசர் ஆகியோர் நாடாளுமன்றத்தை விட்டு வெளியேறுவார்கள்.

நெதன்யாகுவுக்கு எழுதிய கடிதத்தில், பென் க்விர் தனது “குறிப்பிடத்தக்க சாதனைகள்” பற்றி பெருமையாகக் தெரிவித்துள்ளார், ஆனால் அவர் “பயங்கரவாதத்திற்கு சரணடைதல்” ஒப்பந்தம் என்று அழைப்பதைப் பற்றி புகார் அளித்துள்ளார்.

போர் நிறுத்தம் “பயங்கரவாதத்திற்குக் கிடைத்த முழுமையான வெற்றி” என்று பென் க்விர் குறிப்பிட்டுள்ளார்.

“நீங்கள் வழிநடத்தும் அரசாங்கத்தை கவிழ்க்க நாங்கள் எந்த நோக்கமும் கொண்டிருக்கவில்லை, ஆனால் சித்தாந்தப் பிரச்சினைகளில் எங்கள் கருத்து மற்றும் மனசாட்சியின்படி நாங்கள் வாக்களிப்போம்” என்று மேலும் தெரிவித்தார்.