காஸாவை உலுக்கிய இஸ்ரேலிய தாக்குதல் – 30 பேர் பலி

காஸா பகுதியில் இஸ்ரேல் கொடூரத் தாக்குதல்களை மேற்கொண்டுள்ளது.

அமெரிக்காவின் மத்தியஸ்தத்துடன் மேற்கொண்ட போர் நிறுத்த ஒப்பந்தத்தை ஹமாஸ் மீறியதாகக் கூறப்படும் குற்றச்சாட்டைத் தொடர்ந்து, காஸா மீது இஸ்ரேல் பாதுகாப்புப் படைகள் வான்வழித் தாக்குதல்களை நடத்தியுள்ளன.

இந்தத் தாக்குதலில் குறைந்தது 30 பேர் உயிரிழந்துள்ளதாக வெளிநாட்டு ஊடகங்கள் தெரிவிக்கின்றன.

போர் நிறுத்தம் அமலில் இருக்கும் நிலையில், ஹமாஸ் பயங்கரவாதிகள் போர் நிறுத்தங்களை மீறியதாகக் கூறி, காஸா மீது தாக்குதல் நடத்த இஸ்ரேல் பிரதமர் பெஞ்சமின் நெதன்யாகு அந்நாட்டு இராணுவத்திற்கு உத்தரவிட்டார்.

இதற்கிடையில், ஹமாஸ் போர் நிறுத்தத்தை மீறியதாக இஸ்ரேல் குற்றம் சாட்டுவதாகவும் ஊடகங்கள் கூறுகின்றன.