பாலஸ்தீனியர்களை போர் மண்டலங்களிலிருந்து வெளியேற்றும் இஸ்ரேல் – தாக்குதல்களை தீவிரப்படுத்த திட்டம்!

காசாவில் அதிக மக்கள் தொகை கொண்ட சில பகுதிகளில் இராணுவத் தாக்குதலுக்கான திட்டங்கள் முன்னேறிவருவதாக இஸ்ரேல் குறிப்பிட்டுள்ளது.

இந்நிலையில் பாலஸ்தீனியர்களை போர் மண்டலங்களிலிருந்து தெற்கு காசாவிற்கு நகர்த்தத் தயாராகி வருவதாக தகவல் வெளியாகியுள்ளது.

காசாவிற்கு மனிதாபிமான உதவிகளுக்குப் பொறுப்பான இஸ்ரேலிய இராணுவ அமைப்பான COGAT, அந்தப் பகுதிக்கு கூடாரங்களை வழங்குவது இன்று (17.08) முதல் தொடங்கும் என அறிவித்துள்ளது.

பாலஸ்தீனியர்களின் பெருமளவிலான இயக்கம் எப்போது தொடங்கும் என்பது குறித்து இராணுவம் எந்தக் கருத்தும் தெரிவிக்கவில்லை.

ஆனால் பாதுகாப்பு அமைச்சர் இஸ்ரேல் காட்ஸ் சமூக ஊடகங்களில், “காசாவில் ஹமாஸை தோற்கடிக்கும் திட்டத்தை இறுதி செய்வதற்கான விவாதங்களின் கட்டத்தில் நாங்கள் இப்போது இருக்கிறோம்” என்று கூறியுள்ளார்.