ஜனாதிபதி பதவியை குறிவைக்கிறாரா நிமல்?

“ ஜனாதிபதி பதவிக்கு வரவேண்டும் என்ற கனவு எனக்கு இல்லை. கட்சியை கட்டியெழுப்ப அனைவரும் பாடுபட வேண்டும்.”

இவ்வாறு ஸ்ரீலங்கா சுதந்திரக் கட்சியின் SLFP தலைவர் முன்னாள் அமைச்சர் நிமல் சிறிபால டி சில்வா Nimal Siripala de Silva தெரிவித்தார்.

இது தொடர்பில் அவர் மேலும் கூறியவை வருமாறு,

“ஸ்ரீலங்கா சுதந்திரக்கட்சியென்பது பழமையான – பலம்பொருந்திய கட்சியாகும். அக்கட்சியைக் கட்டியெழுப்ப ஒன்றுபட வேண்டும்.

கட்சியில் இருந்து வெளியேறியவர்களை மீண்டும் வருமாறு அழைப்பு விடுக்கின்றேன். முதலில் கட்சிக்குள் வாருங்கள், பிறகு பதவி பற்றி சிந்திக்கலாம்.

அரசியலில் நான் ஓரே தடவையில் மேல் நோக்கி வரவில்லை. அது அமைதியாக நடந்தது. எனினும், எனக்கு ஜனாதிபதி கனவு இல்லை. கட்சியை கட்டியெழுப்புவதே இலக்காகும்.” -என்றார் நிமல் சிறிபாலடி சில்வா.