இலங்கையில் நடந்த பயங்கர சம்பவம்: பயணிகளுடன் பேருந்தை கடத்திய நபர்!
சாரதியுடன் ஏற்பட்ட தகராறில் மது போதையில் நபர் ஒருவர் நிறுத்தி வைக்கப்பட்டிருந்த பேருந்தை கடத்திச் சென்றுள்ளதாக தெரிவிக்கப்பட்டுள்ளது.
கொழும்பில் இருந்து மூதூர்/ திருகோணமலை நோக்கி பயணித்த பேருந்து நேற்றிரவு (மே 29) கடத்தப்பட்டதாக தம்புள்ளை பொலிஸ் தலைமையகம் தெரிவித்ததாக சிங்கள நாளிதழ் ஒன்று செய்தி வெளியிட்டுள்ளது.
பேருந்து ஓட்டல் ஒன்றின் அருகே சிற்றுண்டிக்காக நிறுத்தப்பட்டிருந்ததாகவும், ஓட்டுநர், நடத்துனர் மற்றும் சில பயணிகள் இறங்கியதாகவும் பொலிஸார் தெரிவித்தனர்.
ஹோட்டலில், குடிபோதையில் ஒரு நபர் நடத்துனர் மற்றும் டிரைவருடன் தகராறில் ஈடுபட்டதாகக் கூறப்படுகிறது, அதன் பிறகு அவர் பேருந்திற்குள் நுழைந்து, பேருந்தில் இருந்த பயணிகளிடையே பீதியை ஏற்படுத்தினார்.
சாரதியும் நடத்துனரும் பேருந்தை முச்சக்கர வண்டியில் பின்தொடர்ந்து சென்றதையடுத்து சந்தேகநபர் இப்பன்கடுவ மயானத்திற்கு அருகில் பேருந்தை விட்டுவிட்டு அங்கிருந்து தப்பிச் சென்றுள்ளதாக பொலிஸார் தெரிவித்தனர்.
குறித்த சந்தேக நபர் பேருந்தை கைவிடுவதற்கு முன்னர் 4 கிலோமீற்றருக்கும் அதிகமான தூரம் பேருந்தை ஓட்டிச் சென்றுள்ளதாக தெரிவிக்கப்படுகின்றது.
(Visited 12 times, 1 visits today)
