இலங்கையில் சமையல் எரிவாயுவின் விலை தொடர்பில் வெளியான தகவல்!

இலங்கையில் ஒவ்வொரு மாதமும் முதலாம் திகதி எரிவாயு மற்றும் எரிபொருள் விலை தொடர்பில் திருத்தங்கள் மேற்கொள்ளப்படுகின்றது.

இதற்கமைய இந்த (01.10)  மாதத்திற்கான எரிவாயு திருத்தம் தொடர்பான விபரங்கள் வெளியாகியுள்ளன.

அதன்படி, இந்த மாதத்திற்கான லிட்ரோ எரிவாயுவின் விலையில் எந்த திருத்தமும் மேற்கொள்ளப்படாது  என்று நிறுவனம் கூறியுள்ளது.

இதற்கமைய 12.5 கிலோ எடையுள்ள வீட்டு எரிவாயு சிலிண்டரின் விலை 3,690 ரூபாவிற்கும்,  5 கிலோ எடையுள்ள எரிவாயு சிலிண்டரின் விலை   1,482 ரூபாவிற்கும், 2.3 கிலோ எடையுள்ள எரிவாயு சிலிண்டரின் விலை   694 ரூபாவிற்கும் விற்பனை செய்யப்படும்.

அதேபோல் லாப்ஸ் எரிவாயுவின் விலையிலும்   எந்த மாற்றமும் மேற்கொள்ளப்படவில்லை.

இதற்கமைய 12.5 கிலோகிராம் லாப்ஸ் எரிவாயு சிலிண்டரின் விலை 4,100 ரூபாவாகவும், 5 கிலோகிராம் எரிவாயு சிலிண்டரின் விலை 1,645 ரூபாவாகவும் இருக்கும் என அறிவிக்கப்பட்டுள்ளது.