48 ஆண்டுகளில் இல்லாத அளவிற்கு உயர்ந்த பணவீக்கம் – ட்ரம்ப் கருத்து!

தான் பதவியேற்றபோது நாட்டின் பணவீக்கம் 48 ஆண்டுகளில் இல்லாத அளவிற்கு உயர்ந்திருந்ததாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

நாட்டு மக்களுக்கு நேற்று உரையாற்றிய அவர் இவ்வாறு குறிப்பிட்டுள்ளார்.

இதன்போது மேலும் கருத்து வெளியிட்ட அவர், தற்போது மளிகைப் பொருட்களுக்கான விலை குறைவடைந்து வருவதாக குறிப்பிட்டுள்ளார்.

1.45 மில்லியனுக்கும் அதிகமான இராணுவ சேவை உறுப்பினர்களுக்கு “போர்வீரர் ஈவுத்தொகையாக  $1,176 டொலர் வழங்கப்படும் எனவும்  அறிவித்துள்ளார். குறித்த பணம் ஏற்கனவே அனுப்பப்பட்டுள்ளதாகவும் அவர் மேலும் குறிப்பிட்டுள்ளார்.

தேசிய சராசரி பெட்ரோல் விலைகள் ஒரு கேலனுக்கு $2.50 ஆகக் குறைந்துள்ளதாக சுட்டிக்காட்டிய அவர், வீட்டு எரிசக்தி செலவுகள்  $3,000 குறைந்துள்ளதாகவும் சுட்டிக்காட்டியுள்ளார்.