வெள்ள அனர்த்தத்தை தொடர்ந்து இலங்கையில் வேகமாக பரவிவரும் தொற்று நோய்!
வெள்ள அனர்த்தத்தை தொடர்ந்து மக்கள் மத்தியில் கண் தொடர்பான நோய் பரவல் அதிகரித்து வருவதாக சுகாதார அதிகாரிகள் எச்சரிக்கை விடுத்துள்ளனர்.
குறிப்பாக நாடு முழுவதும் உள்ள பாதுகாப்பு மையங்களில் தங்கியுள்ளவர்களிடையே வெண்படல நோய் ( pink eye or sore eyes) தொற்று பரவி வருவதாக எச்சரிக்கை விடுத்துள்ளனர்.
குறித்த தொற்றானது வேகமாக பரவி வருவதாகவும், பல மாவட்டங்களில் தற்போது பாதிப்புகள் அதிகரித்து வருவதாகவும் கார்னியல் அறுவை (Corneal Surgeon) சிகிச்சை நிபுணர் குசும் ரத்னாயக்க ( Kusum Ratnayaka) தெரிவித்துள்ளார்.
தற்போதைய தொற்றுகளில் பெரும்பாலானவை வைரஸ்களால் ஏற்படுகின்றன, அவை சில பருவங்களில் அதிகமாக பரவுகின்றன என்று அவர் மேலும் தெரிவித்துள்ளார்.
பாக்டீரியாக்களும் இளஞ்சிவப்பு கண்ணை ஏற்படுத்தும். குழந்தைகள் உட்பட பலருக்கு சமீபத்திய வாரங்களில் அறிகுறிகள் தென்பட்டுள்ளன. ஆரம்ப அறிகுறிகளைக் கவனித்து பரவுவதைத் தவிர்க்க நடவடிக்கை எடுக்குமாறு பொதுமக்களை கேட்டுக்கொள்வதாகவும் அவர் மேலும் குறிப்பிட்டுள்ளார்.
