சவுதியில் தூக்கிலிடப்பட்ட இந்தியர்

சவுதி குடிமகனை அடித்துக் கொன்ற வழக்கில் மலையாளி ஒருவருக்கு ரியாத்தில் மரண தண்டனை விதிக்கப்பட்டது.

பாலக்காடு செரும்பாவைச் சேர்ந்த அப்துல் காதர் அப்துர்ரஹ்மான் (63), உள்ளூர் பிரஜையான யூசுப் பின் அப்துல் அஜீஸ் பின் ஃபஹத் அல் டாக்கிரைக் கொன்ற வழக்கில் தூக்கிலிடப்பட்டார்.

ரியாத்தில் உள்ள சிறையில் இருந்த அப்துர் ரஹ்மான் வியாழக்கிழமை காலை தூக்கிலிடப்பட்டதாக சவுதி உள்துறை அமைச்சகம் செய்திக்குறிப்பில் அறிவித்துள்ளது.

கொலை நடந்த உடனேயே, குற்றவாளியை பொலிஸ் காவலில் எடுத்து, சவுதி ஷரியா நீதிமன்றம் அவருக்கு மரண தண்டனை விதித்தது.

தண்டனையிலிருந்து விடுவிக்கக் கோரி அவர் உச்ச நீதிமன்றத்தையும், அரச நீதிமன்றத்தையும் அணுகினார்,

ஆனால் ஷரியா நீதிமன்றம் மேல்முறையீட்டை நிராகரித்து தீர்ப்பை உறுதி செய்தது.

சவுதி அரேபியாவின் வடமேற்கு பகுதியில் உள்ள தபூக்கில் ஆம்பெடமைன் மாத்திரைகளை கடத்திய வழக்கில் கைது செய்யப்பட்ட சவுதி பிரஜை ஈத் பின் ரஷித் பின் முகமது அல் அமிரிக்கு வியாழக்கிழமை காலை தூக்கு தண்டனை நிறைவேற்றப்பட்டதாக உள்துறை அமைச்சகம் அறிவித்துள்ளது.

இந்த வழக்கிலும் உச்ச நீதிமன்றமும், அரச நீதிமன்றமும் மேல்முறையீட்டு மனுவை நிராகரித்து ஷரியா நீதிமன்றத்தின் தீர்ப்பை உறுதி செய்தன.