அமெரிக்காவில் அதிகாரிகளின் தவறால் வங்கி வாடிக்கையாளரின் கணக்கில் 81 டிரில்லியன் டொலர்கள்

அமெரிக்காவில் சிட்டி குரூப் வங்கி வாடிக்கையாளரின் வங்கிக் கணக்கில் 81 டிரில்லியன் டொலர்கள் பணத்தை வரவு வைக்கப்பட்ட சம்பவம் ஒன்று இடம்பெற்றுள்ளது.

அமெரிக்க வாடிக்கையாளரின் கணக்கிற்கு 280 அமெரிக்க டொலர் அனுப்புவதற்கு பதிலாக Citigroup வங்கி தவறுதலாக 81 டிரில்லியன் டொலர் அனுப்பிவிட்டதாக தெரியவந்துள்ளது.

கணக்கிற்குத் தொகை அனுப்பப்பட்டபோது ஊழியர்கள் சிலர் பரிவர்த்தனையைச் சரிபார்த்தனர். இரண்டு ஊழியர்கள் தவற்றைக் கவனிக்கவில்லை.

பணம் செலுத்தப்பட்ட ஒன்றரை மணி நேரத்திற்குப் பிறகு மூன்றாவது வங்கி ஊழியர் பிழையைக் கண்டறிந்தார். பல மணி நேரத்திற்குப் பிறகு பரிவர்த்தனை மாற்றியமைக்கப்பட்டது.

வங்கியிலிருந்து எந்த நிதியும் வெளியேறவில்லை. இந்த விடயம் அமெரிக்காவின் பெடரல் ரிசர்வ் மற்றும் நாணயக் கட்டுப்பாட்டாளர் அலுவலகத்திற்குத் தெரிவிக்கப்பட்டது என்று அறிக்கை கூறியது.

இந்த அளவிலான பணத்தை உண்மையில் செலுத்த முடியாது என்ற போதும், எங்கள் புலனாய்வாளர்கள் இரண்டு சிட்டி லெட்ஜர் கணக்குகளுக்கு இடையே உள்ளீட்டுப் பிழையை உடனடியாகக் கண்டறிந்தனர். நாங்கள் உள்ளீட்டை மாற்றியமைத்தோம் என்று சிட்டிகுரூப் செய்தித் தொடர்பாளர் ஒரு மின்னஞ்சலில் தெரிவித்தார்.