சிங்கப்பூரில் வீடு வாங்குவோருக்கு முக்கிய தகவல்

சிங்கப்பூரில் புதிய குறியீட்டு முறை ஒன்று உருவாக்கப்பட்டுள்ளதாக அறிவிக்கப்பட்டுள்ளது.

சிங்கப்பூர் கட்டட, கட்டுமான ஆணையம் வீடு வாங்குவோருக்கு உதவும் வகையில் இந்த நடவடிக்கை எடுக்கப்பட்டுள்ளது.

CONQUAS எனும் கட்டுமானத் தர மதிப்பீட்டின் அந்தப் புதிய குறியீட்டு முறை, வீடு வாங்குவோர் கட்டுமான நிறுவனங்களின் செயல்பாடுகள் குறித்து விரிவாகத் தெரிந்துகொள்ள வழியமைக்கிறது.

சம்பந்தப்பட்ட நிறுவனங்கள் கடந்த 6 ஆண்டுகளில் முடிக்கப்பட்ட தனியார் வீட்டுத் திட்டங்களில் எப்படிச் செயல்பட்டுள்ளன என்பதை வீடு வாங்குவோர் அறிந்துகொள்ளலாம்.

1989இல் அறிமுகம் செய்யப்பட்ட தர மதிப்பீட்டு முறை கட்டுமானப் பணிகளின் தரநிலையைக் கட்டிக்காக்கப் பெரிதும் உதவியிருக்கிறது.

வீடு வாங்குவோர் தரமாக வீடு கட்டிக்கொடுக்கும் நிறுவனங்களை எளிதில் அடையாளம் காணப் புதிய குறியீட்டு முறை உதவும் என குறிப்பிடப்படுகின்றது.