பேரிடரால் பாதிக்கப்பட்ட வணிக நிறுவனங்களுக்கு முக்கிய அறிவித்தல்!

பாதகமான வானிலையால் பாதிக்கப்பட்ட தொழில்கள் தொடர்பாக தொழில்துறை பேரிடர் உதவி மையம் இதுவரை 13,698 தரவுகளை பெற்றுள்ளதாக கைத்தொழில் மற்றும் தொழில்முனைவோர் மேம்பாட்டு அமைச்சகம் இன்று  தெரிவித்துள்ளது.

இதுவரை 5,639 நுண் வணிகங்கள், 4,636 சிறு வணிகங்கள், 2,986 நடுத்தர வணிகங்கள் மற்றும் 437 பெரிய வணிகங்களிடமிருந்து தகவல்களைப் பெற்றுள்ளதாக அமைச்சகம் குறிப்பிட்டுள்ளது.

இதற்கிடையில், பாதிக்கப்பட்ட தொழில்கள் குறித்து தெரிவிக்க அமைச்சகம் 0712666660 என்ற ஹாட்லைன் எண்ணை அறிமுகப்படுத்தியுள்ளது. தகவல்களை விரைவில் வழங்குமாறு தொழில்துறையினரை அமைச்சகம் கேட்டுக் கொண்டுள்ளது.

மேலும், இந்தத் தகவலை 16 ஆம் திகதி பிற்பகல் 2 மணிக்கு முன் வழங்க வேண்டும் என்றும், http://www.industry.gov.lk என்ற இணையதளத்தைப் பார்வையிடுவதன் மூலம் தகவல்களை உள்ளிடலாம் என்றும் அமைச்சகம் மேலும் குறிப்பிட்டுள்ளது.