ஆஸ்திரேலியாவுக்கு படகில் சட்டவிரோதமாக சென்றவர்கள் ஆபத்தில்

மேற்கு ஆஸ்திரேலியாவின் யோங்காவில் உள்ள புலம்பெயர்ந்தோர் தடுப்பு மையம் இனி அந்த தடுப்புக்காவல்களுக்கு ஏற்றதல்ல என மனித உரிமைகள் ஆணையம் அறிவிக்கிறது.

இந்த மையத்தில் உள்ள வசதிகள் தேவைக்கு ஏற்றதாக இல்லை என கண்டறியப்பட்டதை அடுத்து, ஆஸ்திரேலிய மனித உரிமைகள் ஆணையம் 33 பரிந்துரைகள் அடங்கிய அறிக்கையை சமர்ப்பித்துள்ளதாக கூறப்படுகிறது.

யோங்கா ஹில் குடிவரவு தடுப்பு மையத்தில் தாங்கள் பாதுகாப்பற்ற நிலையில் இருப்பதாக பெரும்பாலான கைதிகள் மற்றும் ஊழியர்கள் கூறியுள்ளனர்.

இந்நிலையில், ஆஸ்திரேலிய மனித உரிமைகள் ஆணையம் முன்வைத்த 33 பரிந்துரைகளில் 20 பரிந்துரைகளுக்கு மட்டுமே உள்துறை அமைச்சகம் ஒப்புதல் அளித்துள்ளது.

மேலும் 7 பரிந்துரைகளில் உடன்பாடு இல்லை என்றும், ஏற்கப்பட்ட பரிந்துரைகளை மேலும் பரிசீலிக்க வேண்டும் என்றும் திணைக்களம் அறிவித்துள்ளது.

மனித உரிமைகள் ஆணைக்குழு யோங்கா ஹில் குடிவரவு தடுப்பு மையத்தில் இரண்டு நாள் விசாரணையின் பின்னர் இந்த அறிக்கையை வெளியிட்டுள்ளது.

இந்த மையத்தில் சுமார் 170 ஆண்கள் இருப்பதாகவும் அவர்களில் பெரும்பாலானோர் விசா ரத்து செய்யப்பட்டதால் இங்கு தடுத்து வைக்கப்பட்டிருப்பதாகவும் தெரியவந்துள்ளது.

மேலும் 28 பேர் படகு மூலம் ஆஸ்திரேலியாவுக்கு சட்டவிரோதமாக வந்ததாக கூறப்படுகிறது.

இங்கு தடுத்து வைக்கப்பட்டுள்ள கைதிகள் மற்றும் ஊழியர்களின் பாதுகாப்பு தொடர்பில் அரசாங்கம் கவனம் செலுத்த வேண்டுமென ஆஸ்திரேலிய மனித உரிமைகள் ஆணைக்குழு சுட்டிக்காட்டியுள்ளது.