ஹிஸ்புல்லாவின் அச்சுறுத்தல் தொடர்ந்தால் தாக்குதல் தொடரும் – இஸ்ரேல் எச்சரிக்கை

ஹிஸ்புல்லாவின் அச்சுறுத்தல் தொடர்ந்தால் தாக்குதல் நடத்தப்படும் என இஸ்ரேலியப் பிரதமர் பெஞ்சமின் நெத்தன்யாஹு எச்சரித்துள்ளார்.

அமெரிக்காவின் தீவிர முயற்சியால் இஸ்ரேலுக்கும் ஹிஸ்புல்லா குழுவுக்கும் இடையே போர் நிறுத்த ஒப்பந்தம் கைகூடியுள்ளது.

அமெரிக்காவுடன் ஒத்துழைக்கப் போவதாக கூறிய நெட்டன்யஹு, இஸ்ரேல் தனது ராணுவத்தின் சுதந்திரமான செயல்பாட்டைத் தொடரும் என்றார்.

இஸ்ரேல் இனி ஈரானின் அச்சுறுத்தலைச் சமாளிப்பதில் கவனம் செலுத்த உடன்பாடு வழியமைக்கும் என்று நெத்தன்யாஹு குறிப்பிட்டுள்ளார்.

ஈரான் அணுவாயுதங்களைப் பெறுவதைத் தடுப்பதில் உறுதியாய் உள்ளதாக அவர் கூறினார்.

இஸ்ரேல் அதன் வளங்களை நிரப்ப சண்டை நிறுத்தம் அவகாசமளிப்பதாகவும் நெத்தன்யாஹு குறிப்பிட்டுள்ளார்.