இலங்கையில் தொடர்ந்தும் செயற்படுவேன் – மஹிந்த வாக்குறுதி
மக்களின் நம்பிக்கைக்காக தொடர்ந்தும் செயற்படுவேன் என முன்னாள் ஜனாதிபதி மஹிந்த ராஜபக்ஷ வாக்குறுதியளித்துள்ளார்.
ஸ்ரீலங்கா பொதுஜன பெரமுன நாடாளுமன்ற உறுப்பினர் டி.வீரசிங்கவினால் அம்பாறை பிரதேசத்தில் நிர்மாணிக்கப்பட்ட புதிய வீட்டினுக்கான பணம் செலுத்தும் நிகழ்வில் கலந்து கொண்டு உரையாற்றும் போதே முன்னாள் ஜனாதிபதி இதனைக் குறிப்பிட்டுள்ளார்.
2022ஆம் ஆண்டு இடம்பெற்ற போராட்டத்தின் போது ஸ்ரீலங்கா பொதுஜன பெரமுனவின் நாடாளுமன்ற உறுப்பினர் டி.வீரசிங்கவின் அம்பாறை பகுதியில் உள்ள வீடு தீக்கிரையாக்கப்பட்டதுடன், வீடு பாரிய சேதத்திற்கு உள்ளானது.
இதே காணியில் நாடாளுமன்ற உறுப்பினரால் நிர்மாணிக்கப்பட்டுள்ள புதிய வீட்டின் அர்ப்பணிப்பு நேற்று முன்னாள் ஜனாதிபதி மஹிந்த ராஜபக்ஷ மற்றும் பொதுஜன பெரமுன உறுப்பினர்களின் பங்களிப்புடன் இடம்பெற்றது.
நேற்றைய தினம் நாடாளுமன்ற உறுப்பினர் நாமல் ராஜபக்சவின் பிறந்தநாளும் அங்கு கொண்டாடப்பட்டது.
(Visited 5 times, 1 visits today)
