ஆஸ்திரேலியாவில் ஹோட்டல் மீது மோதிய ஹெலிகாப்டர் – ஒருவர் பலி

கெய்ர்ன்ஸில் உள்ள ஹோட்டல் மீது ஹெலிகாப்டர் மோதியதில் ஒருவர் உயிரிழந்தார்.

இன்று அதிகாலை ஹோட்டலின் மேற்கூரையில் ஹெலிகாப்டர் விபத்துக்குள்ளானதாகவும், விபத்தில் விமானி ஒருவர் உயிரிழந்தமை தொடர்பில் பொலிஸார் மற்றும் வான் பாதுகாப்பு நிபுணர்கள் விசாரணைகளை ஆரம்பித்துள்ளதாகவும் தெரிவிக்கப்படுகின்றது.

இன்று அதிகாலை 1.50 மணியளவில் இரட்டை எஞ்சின் கொண்ட ஹெலிகாப்டர் விபத்துக்குள்ளானதாக கூறப்படுகிறது.

இது இடிந்து விழுந்ததை அடுத்து, ஹோட்டலில் அதிக தீ விபத்து ஏற்பட்டது மற்றும் விரைவான பாதுகாப்பு நடவடிக்கைகள் காரணமாக, ஹோட்டலில் உள்ளவர்களுக்கு காயம் ஏற்படவில்லை.

ஹெலிகாப்டரின் பைலட் சம்பவ இடத்திலேயே உயிரிழந்ததாகவும், அவரை அடையாளம் காண தடயவியல் சோதனை நடத்தப்பட்டு வருவதாகவும் கூறப்படுகிறது.

விபத்துக்கு சற்று முன் ஹெலிகாப்டர் மிக வேகமாக சென்றதாக விபத்தை நேரில் பார்த்த பெண் ஒருவர் கூறியுள்ளார்.

விபத்துக்கான சரியான காரணம் இதுவரை வெளியாகவில்லை என்பதுடன் மேலதிக விசாரணைகள் மேற்கொள்ளப்பட்டு வருகின்றன.