ஜெர்மனியில் குடும்ப உறுப்பினர்களுடன் மீண்டும் இணைய வீசாக்களை வாரி வழங்கிய அரசாங்கம்

ஜெர்மனியில் குடும்பங்களை ஒருங்கிணைப்பதற்கான 60.8 சதவீத விசாக்களை ஜெர்மன் அதிகாரிகள் சிறுவர்களுக்கு வழங்கியுள்ளனர்.

ஜெர்மனியில் உள்ள குடும்ப உறுப்பினர்களுடன் மீண்டும் இணைவதற்காக சிறுவர்களை நாட்டிற்கு அழைத்து வருவதற்கு அரசாங்கம் முன்னுரிமை அளித்துள்ளது.

ஜெர்மன் வெளியுறவு அலுவலகம் வெளியிட்ட தரவுகளுக்கமைய, 7,300 மறு ஒருங்கிணைப்பு விசாக்கள் சிறுவர்களுக்கு வழங்கப்பட்டன. இது வழங்கப்பட்ட மொத்தம் 12,000 விசாக்களில் 60.8 சதவீதமாகும்.

மேலும், இந்த விசாக்களில் 3,200 விசாக்கள் வாழ்க்கைத் துணைவர்களுக்கு வழங்கப்பட்டன, அதே நேரத்தில் 1,500 விசாக்கள் நாட்டில் ஏற்கனவே அகதி அந்தஸ்தில் இருந்த 18 வயதுக்குட்பட்ட சிறுவர்களின் பெற்றோருக்கு வழங்கப்பட்டன.

2015 ஆம் ஆண்டு ஏற்பட்ட இடம்பெயர்வு வருகையின் காரணமாக, மூன்று ஆண்டுகளுக்குப் பிறகு, ஜெர்மனி குடும்ப மறு ஒருங்கிணைப்புக்கான இறுக்கமான நடவடிக்கைகளை அறிமுகப்படுத்தியது.

ஜெர்மனிக்கு வருபவர்களுக்கு துணைப் பாதுகாப்பு பொதுவாக வழங்கப்படுகிறது. அவர்களின் சொந்த நாட்டில் பாதுகாப்பு நிலைமை நிலையானதாக இல்லை என்பதே இதற்கு காரணமாகும்.