சிங்கப்பூரில் அரசாங்க ஊழியர்களுக்கு வெளியான மகிழ்ச்சியான தகவல்

சிங்கப்பூரில் அரசாங்க ஊழியர்களுக்கு மேலதிக கொடுப்பனவு வழங்கப்படும் என மகிழ்ச்சி தகவல் வெளியிடப்பட்டுள்ளது.

இவ்வாண்டு 1.05 மாதம் ஆண்டிறுதி கொடுப்பனவு வழங்கப்படவுள்ளது.

MX15, MX16 அதிகாரிகளுக்கும், செயல்பாட்டு ஆதரவு திட்டத்தில் பணிபுரியும் இளம் அதிகாரிகளுக்கும் கூடுதலாக 600 வெள்ளி ஒருமுறைத் தொகை வழங்கப்படும் என்று அரச சேவைப் பிரிவு அறிவித்தது.

அரச துறை ஊழியர்களின் தொழிற்சங்கங்களோடு ஆலோசனை நடத்தியபின் போனஸ் அறிவிக்கப்பட்டுள்ளது.

ஆண்டின் நடுப்பகுதியில் கொடுத்த போனசையும் சேர்த்து இவ்வாண்டு அரசாங்க ஊழியர்கள் மொத்தம் ஒன்றரை மாதப் போனஸ் பெறுகின்றனர்.

இளநிலை அதிகாரிகளுக்கு ஜூன் மாதம் 250 வெள்ளி வழங்கப்பட்டது.

இப்போது கொடுக்கப்படும் 600 வெள்ளியோடு சேர்த்து அவர்களுக்குக் கூடுதலாக மொத்தம் 850 வெள்ளி வரை வழங்கப்படுகிறது.

அரசாங்க ஊழியர்களுக்கு வழக்கமாக வழங்கப்படும் பதின்மூன்றாவது மாதச் சம்பளம், இவ்வாண்டும் வழங்கப்படும்.