பிரித்தானியாவில் பணியில் இருந்து ஓய்வு பெறும் ஆடு!

பிரித்தானியாவில் கிராம மக்களைச் தேடிச் சென்று முட்டைகளை விநியோகிக்கும் ஆடு விரைவில் அந்தப் பணியிலிருந்து ஓய்வு பெறவிருக்கிறது.

வெண்மையும் சாம்பலும் மிளிரும் ஆட்டின் பெயர் ஆலன் (Alan) என கூறப்படுகின்றது.

உரிமையாளருடன் உலாப் போகும் இந்த ஆடு நாள்தோறும் கிராம மக்களைத் தேடிச் சென்று முட்டைகளை விநியோகிப்பது வாடிக்கையாகும்.

கடந்த 4 ஆண்டுகளாகத் தொடர்கிறது இந்த வேலை.

பால், பாலாடைக் கட்டி உற்பத்திக்காக ஆட்டை வாங்கினார் உரிமையாளர். அந்த வேலை முடிந்ததும் முட்டை விநியோகத்தில் ஈடுபடுத்தினார்.

சுமார் மூன்றரை கிலோமீட்டர் பயணம் செய்து மக்களுக்கு முட்டைகளை விநியோகிக்கிறது ஆலன், ஈராண்டுக்கு முன் ஒரு குதிரை தாக்கியதால் காயமடைந்தது.

அதனால் விரைவில் ஓய்வுபெற வேண்டிய கட்டாயத்தில் உள்ளதென கூறப்படுகின்றது.