பேய் பொம்மை பொலிசார் கைது
சக்கி டால் என்ற பேய் பொம்மையை வைத்து பொதுமக்களை மிரட்டி வந்த நபர் கைது செய்யப்பட்ட காட்சி சமூக வலைதளங்களில் பரவி வருகிறது.
சில நாட்களுக்கு முன்பு மெக்சிகோவில் உள்ள மோன்க்ளோவா நகரில், கார்லோஸ் என்ற நபர் ஒரு பேய் பொம்மை மற்றும் கத்தியை வீசி தெருவில் நடந்து செல்பவர்களிடம் பணம் பறித்ததாக தகவல் வெளியானது.
எனினும் பொலிஸாருக்கு கிடைத்த தகவலின் பிரகாரம் கார்லோஸ் கைது செய்யப்பட்டுள்ளார்.
அவருடன் இருந்த பேய் பொம்மையும் கைவிலங்கிடப்பட்டு கைது செய்யப்பட்டதாக தகவல் வெளியாகியுள்ளது.
பொம்மையை கைவிலங்கிடுமாறு பொதுமக்கள் கோரியதை அடுத்து, பொலிஸாரும் பொம்மையை கைவிலங்கிட்டு கைது செய்ததாக வெளிநாட்டு ஊடகங்கள் தெரிவிக்கின்றன.
மேலும் கைது செய்யப்பட்ட பொம்மை ஹாலிவுட் படமான ‘சைல்ட்ஸ் ப்ளே’ படத்தில் வரும் ‘சக்கி டால்’ எனப்படும் பொம்மை வகையை சேர்ந்தது என்றும் கூறப்படுகிறது.
